Atualità
Comisciuns por i ejams tles scores altes ladines
L’intendënt dles scores ladines Roland Verra à dan da püch nominé i presidënc y i comëmbri dles comisciuns d’ejam por i ejams de stat finai tles scores altes ladines por l’ann de scora 2004/2005. Tles scores altes ladines tla Val Badia y te Gherdëna se presentaràl indöt 39 candidates y candidac ai ejams statai, de chisc dui da privatisc.
Ai 27 de jügn 2005 tolarà 39 scolares y scolars pert ai ejams de stat finai tles scores altes de Urtijëi y La Ila. Dan da n püch à l’intendënt dles scores ladines nominé les comisciuns d’ejam y les presidëntes o i presidënć dles comisciuns. Tl Istitut tecnich por le comerz a Urtijëi é Karlheinz Mureda presidënt dla comisciun d’ejam por döta la scora. Tla comisciun él: Siegfried Steger, Barbara Bonu, Simona Fermanelli, Walter Pescosta, Patrick Prinoth und Josef Mussner. Por la Scora d’ert a Urtijëi él gnü nominé Otto Moling sciöche presidënt dla comisciun por döta la scora. Tla comisciun él: Theresia Blaas, Anselmo Obletter, Egon Dejori Georg Demetz, Nicole Demetz, Danila Serafini, Patrizia Dell`Antonio, Elisabeth Baur und Wilma Pfeifer. Tl Istitut tecnich por le comerz da La Ila ti él gnü surandè la inćiaria de presidënta dla comisciun a Heidrun Dona. Chisc i é comëmbri dla comisciun: Albert Videsott, Maria Christina Lezuo, Elisabeth Frenner, Ester Tavella, Albano Veneziano und Susanna Canins. La tabela chilò injuntada é na suravijiun di presidënć y di comëmbri dles comisciuns d’ejam.UV
