Atualità
Dé dla scora ladina ai 9 de setëmber
USP - Por le mëteman dl ann de scora nü gnaràl ince en chësc ann invié ia en vëndres, ai 9 de setëmber 2005 le Dé dla scora ladina a La Ila. I argomënc zentrai che gnarà tratà te chësta ocajiun é la scora ladina y sües particolaritês sciöche ince le percurs de formaziun y la cualité dla formaziun a livel nazional y internazional. Implü él ince sön le program n discurs da pert dl assessur por la scora Florian Mussner y dl intendënt Roland Verra.
L’oramai tradizional Dé dla scora ladina tl mëteman dl ann de scora nü gnarà tignì en vëndres, ai 9 de setëmber 2005 dales 9.00 tla Ćiasa dla cultura a La Ila. La manifestaziun gnarà daurida dal assessur Florian Mussner y dal intendënt Roland Verra che saludarà döt le personal insegnënt y i responsabli dles scores. Dales 10.45 saràl spo le professur universitar Wassilios Fthenakis che tignarà n referat sön le percurs de formaziun y la cualité dla formaziun a livel nazional y internazional. La manifestaziun vëgn organisada dal’Intendënza ladina dla Provinzia che festejëia en chësc ann 30 agn d’ativité. Le Dé dla scora ladina vëgn reconesciü sciöche ajornamënt y é porchël d’oblianza por döt le personal che laora tles scores ladines.I massmedia é dër bel invià a tó pert al
“Dé dla scora ladina”
tla Ćiasa dla cultura a La Ila,
en vëndres, ai 9 de setëmber 2005 dales 9.00.
USP
