Atualità
Liber porsura la storia dla scora ladina, vëgn presentè ai 29. de setëmber
LPA - Al è incontestè, che por le mantegnimënt de süa cultura y por se svilupé inant adora les mendranzes linguistiches n so sistem scolasich. La storia dl sistem scolastich, dla plö picera mendranza te nosta provinzia, i Ladins, vëgn descrit te na nöia publicaziun. Le liber dè fora dal Ofize por la Cultura y Scora Ladina vëgn presentè in vëndres, 29. de setëmber 2006, cun la presënza dl’Assessur Florian Mussner a La Plì de Mareo.
Cun i referać tignis en gaujiun dl Dé dla cultura ladina 2004, vëgnel tratè tla publicaziun “Aspeć storisc dla scora ladina te Südtirol”, le svilup dl model scolastich ladin te Südtirol. Le liber vëgn presentè cun na picera festa proscima edema a La Plì de Mareo. Do i salüć dl’Assessur Florian Mussner gnarà la publicaziun dl Ofize por la Cultura y Scora Ladina presentata dal ispetur Lois Ellecosta. Le diretur de repartiziun Alexander Prinoth baiará sura la situaziun atuala dla scola ladina.I media è inviá,
a tó pert ala presentaziun
vëndres, ai 29 de setëmber dales 15.00
tla Gran Ciasa a La Pli de Mareo
y fà n reportaje.
USP
