Atualità
Viac tres la geologia tl Museum Ladin- uni merdi dai 26 de juni inant
USP - I curëc, l vulcanism y percie che la Dolomites ie tan particuleres sarà n valguni di argumënc che unirà tratei ai 26 de juni dal geologh Herwig Prinoth. Granc y pitli ie nviei. Uni merdi nchina ai 4 de nuvëmber uniral tenì n workshop sun la geologia tl Museum Ladin a San Martin de Tor.
“Ntan l workshop uniral spligà te na maniera scëmpla la particulariteies geologiches. Tres esperimënc pudrà i parezipanc nstësc ruvé sëura sun i fenomens geologics” nsci Prinoth. L geologh jirà ite sun la dumandes di partezipanc y farà na prejentazion sun la furmazion dla Dolomites. Ntan l workshop arà i partezipanc la puscibltà de se tò i curëc tla man y tres esperimënc ruvé sëura coche chisc se furmea. Sëuraprò possa i partezipnac cun l aiut de n model ti cialé y capì l fenomenn dl’ eruzion de n vulcan. L unirà nce fat piedies de dinosaur de plastilina che duc se possa tò pea ala fin dla manifestazion.
L workshop geologich per granc, pitli y families ntieres unirà a se l dé uni merdi dai 26 de juni ai 4 de nuvëmber tl Museum Ladin a San Martin. Per de plu nfurmazions cherdede su l numer 0474/524020.
USP
