Atualità
Perspetivies nueves per sculeies cun dificulteies
USP – Dal prosicmo ann de scola (2008/09) possa sculeies y lerneri cun dificulteies de cumprenscion giapé na cualificazion smendrida tla scoles prufescioneles. L unirà metù a jì ejames do criteries adatei ala situazions defrëntes.
La Jonta provinziela à da permò njenià la cundizions acioche sculeies y lerneri cun dificulteies de cuprenscion posse arjonjer na cualificazion smendrida tla scoles profesciuneles. L vën a chësta maniera dat la puscibltà de ruvé a na cualificazion individuela.
L ie n var de vies de valorisé y dé denità a duc tla sozietà che se mpënia te si realisazion persunela, nscì l assessëur Otto Saurer. La cualificazion smendrida dëssa vester n aiut per arjonjer chësc fin cun manco dificulteies. Valor giapa chësta forma nueva dla calificazion cun l aiut de istituzions y strutures economiches che la recunësc.
La cualificazion smedrida unirà nvieda via cun l ann de scola 2008-09 per sculeies y lerneri che à fins de scola individuei y che à nchinamo giapà na atestazion de cumpetënzes. Chisc sculeies possa dal proscimo ann de scola inant fé ejames do criteries adatei ala situazion.
as
