Atualità
Sëires de nfurmazion sun fé do la matura
USP – Chi che ulëssa fé do la matura possa se njenië ca cun l aiut dla scola da sëira. N mierculdi ai 4 de juni vëniel a Persenon tenì na sëira de nfurmazion sun la scola da sëira che fej l program dl istitut tecnich per l cumerz y la scola auta per l soziel. A Bulsan vëniel dat nfurmazion per la preparazion ala matura per geometri.
Per chëi che ulëssa fé do la matura vëniel per l autonn inò metù a ji la scola da sëira. Sëurapro al program dl istitut tecnich per l cumerz y per l soziel, puderan per l prim iede nce crì ora la scola da sëira per geometri. L program dla cin tlasses vën tëut tres te trëi ani de scola da sëira.
Nfurmazions plu avisa uniral dat n mierculdi sëira ai 4 de juni. N cont dla scola per geometri uniral rujenà dala 19.00 tla „Gewerbeoberschule Max Valier“ tla streda Sorrento 20 a Bulsan. A Persenon vëniel dala 19.00 spiegà l sistem dla scola da sëira tla cësa dla scola auta per economia y turism, tla streda Fischzucht.
Chiche ulëssa mo damandé do nfurmazions plu a puntin possa to su cuntat cun la ntendënza de rujeneda tudëscia. (tel. 0471 417556 o 417558, www.schule.suedtirol.it).
as
