Atualità
Juech online per l ann comemoratif 2009
USP – L ann comemoratif 2009 dëssa nce unì sentì dai jëuni. Per motivé i sculeies per la storia dl Tirol y che i se debe ju cun la tematica iel unì laurà ora n juech tres internet. L presidënt dla provinzia Luis Drunwalder deberieda cun i assessëures ala cultura Florian Mussner y Sabina Kasslatter Mur à ncuei (merdi 10 de juni), prejentà la scumenciadiva tla cësa provinziela Widmann.
L cheder dla scumënciadives per l ann comemoratif 2009, a 200 ani dala nsurezion dl Tirol, ie l juech online per jëuni una dla azions de majera mpurtanza. “L lecord ala tradizion y storia dëssa dé ucajion de se ancuté danter l Tirol storich. La jënt de tëmp à pu nstëssa vivù nosta storia y perchël iel mpurtant che jëuni se debe ju cun chesta tematica” à dit Luis Durnwalder pra la prejentazion a Bulsan. L proiet ie na culaburazion che va dal Trentin nchin al Triol dl Nord, jan sëura i cunfins de raion y de rujeneda. Sciche assessëur ala cultura ladina à Florian Mussner dit che l ie de gran valor sce dantaprima i jëuni se rend cont che l presënt ie cundizionà da chël che ie stat. Tradizion y storia te n dialog cun d’autri jëuni dl Triol storich possa deventé drët nteressant tres l juech online, na maniera moderna y dl tëmp, per descedé l nteres dla generazion jëuna. “Sotta l moto la storia anconta l daunì, sons dassën cuntënta che la scola met nstëssa a ji chësta scumënciadiva per i sculeies” à dit l assessëura Sabina Kasslatter Mur. Si assessorat, deberieda cun l Istitut Pedagogic tudësch, talian y nce l ladin, cun nce la lia “Heimatpflegeverband” à metù a ji l juech per jëuni nciarian 20 esperc.
Fe pea possa singuli, grupes o tlasses tl età dla scola mesana nchin ala scola auta y scola prufesciunela. Dai 9 de utober 2008 nchin ala fin dl ann de scola uniral trat tres tëi fases che auza man man de livel. L ne se trata nia de respuender a dumandes cun drët o fauz, ma de argumenté y n pert rujené pea cun d’autri jëuni o gupes de dut l Tirol storich. A chësta maniera possen zapé ite te na cumenanza che arjonj nchin sëura i cunfins. N fej cont che ntan l proscimo ann de scola fajerà pea nchin a 140.000 jëuni. “La storia ne rejona nia rujenedes, l ie na custion de lecorc y cunliamënc, perchël fejel plajëi che l ie unì adurvà duta trëi rujenedes de nosc raions” à dit Durnwalder. L juech online per jëuni ie nce unì njenià tla rujeneda ladina à soirssa la coordinadëura dla scumënciadives per l ann 2009, Ingrid Runggaldier.
L fin ie chël che n possa mparé a esploré y cunëscer miec dut l raion dl Triol, persones, cuntredes y storia. L ie na ucajion per fé puenc danter chël che ie stat y l presënt per ruvé nscila a na cuscienza nueva, plu lergia y plu cirtica de nosc ncësa. Tres na partezipazion ativa y creativa ulëssen tres l juech de inant na vijion globala ti ciampls dla storia dl raion dl Tirol, dla storia y cultura dl post, dl’architetura, dla cultura, dla natura y dl ambiënt. L unirà nce tratà plu apuntin argumënc sciche l’economia, la tecnica, l turism, l trafich, l’ëila, la religion, la leteratura, l’ert figurativa, la mujiga, la cultura jëuna, l tëmp liede y la sozietà. Ne pudan nia respuender cun sci on no giapa la respunsabltà, la liedeza, l’independënza y la creatività n majer valor.
L juech online se adatea drët ben nce per l nseniamënt te scola y nscì uniral d’autonn nce metù a jì domesdis de nfurmazion per i maestri. L juech jirà inant nchin ala fin dl proscimo ann de scola canche l unirà fat na majera manifestazion cun la premiazion per i siguli, grupes y tlasses che à arjont la majera cumpëida de ponc.
Nfurmazions plu aplunti sun la scumenciadives per l ann comemoratif 2009 ie nce da lijer do per ladin tl internet sota www.1809-2009.euas
