Atualità
Cuntroi per cuntribuc culturei dl ann 2007 y 2008
USP – La Provinzia de Bulsan dà ora uni ann da 100 nchin a 150 cuntribuc per curé la cultura ladina. Aldo dla lege muessel nce unì fat cuntroi sce la lies, grupes y istituzions à adurvà i scioldi sciche detlarà. Plu avisa uniral cialà do l 6 % di cuntribuc paiei ora ti ani 2007 y 2008, chisc unirà trai ora a cajo ai 17 de dezëmber 2008.
Tla sënta dla Repartizion provinziela per la Cultura ladina (str. Binder 29) a Bulsan uniral doduman mierculdi, 17 de dezëmber trat ora la lies, grupes o istituzions che à giapà cuntribuc per la cultura ladina y che unirà cuntrolei. L possa unì tëut vijion dl protocol de senteda tl secretariat de repartizion. I cuntroi unirai pona fai te chëla che l muessa unì dat ju duta la documentazion y n pert uniral nce jit sun l post a cialé do la investizions fates.
as
