Atualità
La pröma ediziun de English Summercamp garatada
USP - I dui cursc d’inglesc por i scolars è gnüs stlüc jö bun. L’Intendënza Ladina à organisé en chësc ann d’isté n curs creatif y orginal olach’i partezipanc impara n lingaz forest nia sön i banc da scora mo te na maniera plü lisiera. L’assessur Florian Mussner salüda cun ligrëza chësta scomenciadia deache imparè de plü lingac ô dì se daurì a popolaziuns y cultures nöies.
A San Martin él ste dui reladus che ti à insigné ai scolars da adorè la telecamera; deboriada ài realisé n pice documentar por inglesc. Tla scora elementara de Badia á les trëi reladësses laurè sön tematiches africanes. Cun i scolars àres tratan l’edema dai 20 ai 24 de messè, desfiré deplü ativitês tolon ite l’aspet musical, teatral y artistich de chësc continënt. Cun tröpa fantasia y entusiasm él garatè ala fin n spetacul original y interessant, olache i partezipanć à desmostrè ći ch’ai à imparè. L’obietif de chësta scomenciadia ê chël de ti pité ai scolars la poscibilité de aprofondì les conescënzes d'inglesc y de imparè val' danü. I mituns y les mitans à tut pert ai cursc cun n gran entusiasm y tröpa ligrëza.
L’assessur Mussner salüda cun ligrëza chësta scomenciadia deache imparè de plü lingac ô dì se daurì a popolaziuns y cultures nöies. “Implü scinca la conescënza de de plü lingac tröpes oportunitês por le dagnì” dij Mussner. “Suradöt la didatica che vëgn aplicada tl insegnamënt di lingac di „camp“ é adatada ai mituns y ales mitans de chësta eté che impara insciö te na manira plajora y te forma de jüch” dij l`assessur.
SAN
