Atualità
Cumpetënza de rujenedes tla scoles ladines: prejentazion ai 9 de dezëmber
USP – Tla scoles ladines ie unì fat n’evaluazion linguistica di sculeies dla cuinta tlasses elementeres. Deberieda cun esperc dl’Università de Bulsan iel unì analisà la nrescida y paredlà cun sculeies de rujeneda tudëscia y taliana. I resultac de chësta evaluazion scientifica ie unic publichei te n pitl liber che unirà prejentà n mierculdi ai 9 de dezëmber tla Ntendënza Ladina a Bulsan.
Ntan l ultimo inviern à l Servisc de evaluazion dla scoles ladines fat na nrescida dla cumpetënza linguistica te defrënta cuinta tlasses te Gherdëina y tla Val Badia. Per pudëi paredlé l livel linguistich di sculeies ladins iel nce unì fat la medema nrescida te cater tlasses de scoles tudësces (a Barbian, Feldthurns y Villanders) y nce la medema cumpëida de tlasses te scoles talianes (Dante Alighieri y Don Milani a Bulsan). L’evaluazion ie unida fata a livel scientifich cun la culaburazion dla pruf.a Rita Franceschini y la pruf.a Gessica De Angelis dl Zënter de cumpetënza linguistica de Bulsan.
Sun l program dla prejentazion dl liber sun l’analisa iel paroles dl Presidënt dl Cumité per l’evaluazion dla scoles ladines Lois Ellecosta. Di resultac rujenerà nce la doi prufessëures universiteres Rita Franceschini y Gessica De Angelis.
Reprejentanc di media ie nviei ala cunferënza stampa
n mierculdi
9 de dezëmber 2009
10 danmesdì
tla Ntendënza Ladina, streda Pintri 29 a Bulsan.
La publicazion, che ie unida a s’l dé tres na bona culaburazion danter l Servisc cun si Cumité per l’evaluazion, l Zënter linguistich y l Istitut Pedagogich Ladin, unirà nce prejenteda ntan la 2a Fiera dla Furmazion de Sudtirol, ai 11 de dezëmber 2009 dala 16,30. Danora saral tl Hotel Sheraton da audì la relazion dl Presidënt dl INVALSI pruf. Piero Cipollone.
as
