Atualità
Reforma scolastica ai 11 dezëmber tla fiera Futurum
USP – La reforma dla scola auta y dl’università tla Talia y la situazion particulera tla provinzia de Bulsan ie argumënt dla cunferënza ai 11 de dezëmber n ucajion dla fiera Futurum. Reprejentanc dl’universiteies de Dispruch y de Bulsan menerà na descuscion cun respunsabli dl Minister per l’istruzion y dl Minister per l lëur.
L pruf. Johann Drumbl rujenerà sun Università europeica y la lianza de furmazion cun la region, Università liedia de Bulsan. La vizeretëura a Dispruch Margret Friedrich purterà dant la posizion dl’Università de Dispruch n cont dla reforma dla università tl’Austria. Per l Minister dl’istruzion rujenerà Massimo Bruschi dla situazion y la perspetives dla reforma dla scola auta, dla furmazion prufesciunela y dl’università tla Talia. Lucia Scarpitti dl Minister dl lëur prejenterà l sistem statel di standard minimi, di standard de zertificazion dla cumpetënzes y di standard de furmazion.
La descuscion dal titul “Reforma dla scola auta y dl’università – svilup atuel y trends” vën tenida
n vënderdi 11 de dezëmber 2009
dala 9 ala 12.15
tla sala Tiefenbrunner tl zënter per cunferënzes Sheraton
a Bulsan. L ntreda ie debant.
as
