Atualità
Plata internet „Teßmann“ nce tla rujeneda ladina
USP - La biblioteca provinziela "Dr. Friedrich Teßmann" sorissea l plurilinguism tla provinzia de Bulsan. La prejentazion te internet ie a chësta maniera nce unida fata tla rujeneda ladina.
La plata internet dla bibliotech provinziela „Dr. Friedrich Teßmann“ ie unida anjenieda nce per ladin tres na culaburazion cun l Ufize provinziel per cuestions linguistiches. I cuntenuc dla plates ie unì repurtà tl idiom dla Val Badia y n pert nce per gherdëina per pudëi nsci tenì cont de tramedoi valedes a na maniera valiva.
Cun chësta scumenciadiva ulëssa la Teßmann ti mustré ala populazion che la ne tën nia me cont dla publicazions tudësces locales ma nce dla publicazions ladines. Tl medemo tëmp uel la bibliotech provinziela nce mustré la varietà linguistica tl Südtirol descedan cun la traduzion dla plata internet, nteres per l ladin.
L proiet jirà inant te chëla che n auter ann uniral fat la traduzion dl catalogh online per ladin. La plata dla bibliotech Teßmann ie da abiné sota www.tessmann.it.
as
