Atualità
Ncuei vën ora l liber nuef dai cursc
USP – Da ncuei, lunesc 18 de fauré, iel da giapé l’edizion nueva dl liber dai cursc "zeit für weiterbildung" per. Chësta publicazion vën data ora tla defrënta cëses provinzieles, tla biblioteches y ti zëntri de furmazion. Nce chëst iede à l Ufize provinziel per la furmazion abinà adum na gran cumpëida de cursc d’uni sort danter fauré y agost 2010.
Cunesciù ie l liber dai cursc bele dai ani passei, chëst ann ti iel unì dat n cuiertl de culëur ghiel. Chësta publicazion vën ora doi iedesc al ann. La ti vën mandeda a 1000 abunei y vën lieta da 12.000 persones. Aldò de chësta zifres iel una dla publicazion de nfurmazion plu cunesciuda. Da giapé ie l liber dai cursc te de plu Ufizies provinziei, biblioteches, Casses Raiffeisen y zëntri de furmazion.
Chiche fej l abunamënt, giapa l liber dai cursc doi iedesc al ann debant tres posta. L tleca cherdé su l Ufize provinziel per la furmazion o scrì ora la cherta che ie sun l’ultima plata de na vedla edizion. Nfurmazions plu avisa y cunsëies giaten tl Ufize provinziel per la furmazion a Bulsan, streda Andreas Hofer 18 da Brigitte Foppa y Christine Spögler (tel. 0471 413397 o 413395, eMail: brigitte.foppa@provinz.bz.it).
Mo d’autri cursc, nfurmazions n cont de furmazion tla Provinzia de Bulsan o per apusté l liber dai cursc, possen jì sun la plates internet www.provinz.bz.it/weiterbildung.
as
