Atualità
Ejams de rujeneda 2009: Ladins sëura la media
USP – Tl ann 2009 ie manco candidac passei l ejam de bi- y triliinguism permez ai cin’ ani passei. La media di ladins che ie passei i ejams de rujeneda ie scialdi plu autra permez ala media provinziela, aldò dl Istitut de statistica ASTAT ie n media passei 74% di candidac ladins. Cun 49,5% ie feter mec i candidac passei l ejam de livel “A”, 22,3% l ejam “B”, 35,2% l ejam “C” y 77,4% l ejam de rujeneda de livel “D”.
Te duta cater categuries di ejams de bi- y trilinguism à i candidac ladins abù plu suzes permez ala media provinziela. De ndut iel stat 327 ladins che à fat un de chisc ejams, l 74% cun suzes. La media provinziela te duta cater categuries ie de 42,2%.
Tl livel “A” ie passei 76% di ladins (media provinziela 49,5%). Ntan l 2009 iel stat 124 ladins che se à scrit ite per chësc livel de ejam. Di 146 ladins che à fat l ejam de livel “B” ie passei 52,1% (media provinziela 22,3%). Pra l ejam de livel “C” iel ntan l ultimo ann stat 68 candidac ladins, 72,1% ie passei l ejam (media provinziela 35,2%). Tl ejam de livel “B” che ie l plu saurì y che vën me fat a usc, iel passà 81% di 63 candidac ladins (media provinziela 77,4%).
Nfurmazion ASTAT nr. 05/2010
as
