Atualità
Duman 3 de merz barat pedagogich dedicà ala scolina ladina
USP – Sun scumenciadiva dla trëi ntendënzes provinzieles se anconta (duman) ai 3 de merz nsenianc y culaburadëures pedagogics per n barat de esperienzes. La terza ancunteda per maestres y maestri dla trëi grupes de rujeneda vën tenì tla Ntendënza ala scola tudëscia a Bulsan y ie dedicà ala scolina ladina.
La scola ladina cun si carateristica dl plurilinguism ie argumënt zentrel dl barat pedagogich. N tan l’ancunteda per nsenianc y culaburadëures pedagogics uniral danter auter nce prejentà doi proiec che ie unic realisei tla scolines de Gherdëina.
Ingrid Mussner, dirijënta dla scolina “Surëdl” de Sëlva prejenterà la documentazion dl proiet “Mparé a cunëscer sasc, minerai y fenomenns dla natura”. Per la scolina “Salieta” de Urtijëi cunterà Alexandra Insam co che ie unì trat tres l proiet “Sofia mpera cun duc i sënsc“. La maestra de ntegrazion rujenerà di materiai adurvei y la esperienzes fates. Da dedò iel sun l program na descuscion y reflescion sun i proiec pedagogics tratei ntan chësc barat.
L’ancunteda de barat pedagogich dla trëi ntendënzes provinzieles vën tenì mierculdi, 3 de merz dala trëi a mesa la sies domesdì tla Ntendënza ala scola tudëscia, tla streda Amba Alagi 10 a Bulsan.
as
