Atualità
Iscrizions ala scolines ladines dai 24 ai 26 de jené
USP – A scumenciamënt dl’ultima ena de jené, dai 24 ai 26, uniral tla scolines de Gherdëina y dla Val Badia tëut su l’iscrizions per l ann de scolina 2011-2012. I plu pitli che possa unì scric ite ala scolina tla valedes muessa cumplì 3 ani nchin ala fin de fauré 2012.
Sciche fej al savëi l’Ispetorat y la Direzion dla scolines ladines vëniel da n lunesc 24 nchin n mierculdi 26 de jené 2011 tëut su la iscrizions ala scolina te chël chemun ulache la families ie da cësa. L unirà tëut su mutans y mutons da trëi a sies ani, plu avisa che ie nasciudes/nasciui dan l 28 de fauré 2009. Per la scolina de Sureghes y per la scolines de Urtijëi (Salieta y Scurcià) unirà duta la iscrizions tëutes su zentralmënter tla Direzion dla scolines, tla Scolina Salieta aut ite (streda Roma 4, III. partimënt).
Per scrì ite ala scolina iel da tò pea la cherta dl numer de còdesc fischel di mëndri. I Cunsëies dla singula scolines tulerà pona nchin ai 15 de fauré la dezijion n cont dla cumpëida de mutans y mutons che vën tëuta su te scolina, aldò di criters dla Provinzia y di chemuns.
Te chësc ann de scola - 2010/11 – iel unì tëut su da ndut 749 mutans y mutons tla 17 scolines che toca pra la direzion dla scolines “Ladinia”. De duc chisc mëndri se cruzia 100 danter maestres, culaburadëures pedagogiches y culaburadëures per la ntegrazion, che se tol sëura dla furmazion y dl’ educazion dla mutans y di mutons tla scolines de Gherdëina y dla Val Badia.
Orar de iscrizion ala scolines ladines
SCOLINA | DIS DE ISCRIZION | ORAR DE ISCRIZION |
Sëlva | ME 25.01 | 8.30 - 14.30 |
MI 26.01 | 13.30 - 16.30 | |
S. Cristina | LU 24.01 | 8.30 - 14.30 |
MI 26.01 | 8.30 - 11.30 | |
Salieta | Da LU 24.01 a MI 26.01 tla direzion dla scolines streda Roma III partimënt | 8.00 - 12.00
14.30 - 17.30 |
Scurcià | ||
Sureghes | ||
Runcadic | LU 24.01 | 15.00-16.00 |
ME 25.01 | 8.00 – 9.00 | |
Corvara | LU 24.01 ME 25.01 | 15.00 – 16.00 |
La Ila | LU 24.01 ME 25.01 | 15.00 – 16.00 |
S. Ciascian | LU 24.01 ME 25.01 | 15.00 – 16.00 |
S. Linert | LU 24.01 ME 25.01 | 15.00 – 16.00 |
La Val | LU 24.01 ME 25.01 | 15.00 – 16.00 |
San Martin | LU 24.01 ME 25.01 | 15.00 – 16.00 |
Lungiarü | LU 24.01 ME 25.01 | 15.00 – 16.00 |
Antermeia | LU 24.01 ME 25.01 | 15.00 – 16.00 |
Rina | ME 25.01 | 13.00 – 15.00 |
MI 26.01 | 9.00 – 10.00 | |
Al Plan | LU 24.01 ME 25.01 | 8.00–9.00 y 15.00–16.00 |
La Pli | ME 25.01 | 9.00 -11.00 |
MI 26.01 | 15.00 – 16.00 |
Juntà pro: l orar de iscrizion tla singula scolines
as
