Atualità
Sëula direzion per l conservatorio
USP – L conservatorio de mujiga a Bulsan dëssa avëi na sëula direzion cun cater uniteies urganisatives. La Jonta provinziela à (ncuei) ai 24 de jené dat pro chësta partizion de urganisazion do che l conservatorio ‘Claudio Monteverdi’ de Bulsan ie ntant deventà avëi provinziel.
“L’urganisazion dl conservatorio dëssa pudëi se muever riesc canche l ie debujën, perchël sons de chëla che la dëssa vester megra y nce custé manco”, nsci la mutivazion che l presidënt Durnwalder à prejentà te cunferënza stampa do la senteda dla Jonta. La sëula direzion arà cater uniteies urganisatives che se cruzia de personal, aministrazion, tuedes y didatica.
as
