Atualità
Cudejel de nfurmazion sun la reforma dla scola auta
USP – Sculeies che ulëssa nfurmazion sun la vela nueva de scoles autes tl Südtirol giapa chisc dis n cudejel ulache i possa se fé n cheder dla situazion. L cudejel nuef ie na pert dla campania de comunicazion dla Provinzia de Bulsan sun la reforma dla scola auta y vën partì ora tla scoles mesanes, scoles prufesciuneles y scoles autes.
Bele da plu enes possen sun la plata internet www.reformadlascola.bz.it nrescì cuntenuc y mudazions dla reforma dla sola auta, śën vëniel partì ora materiai stampei. L Ufize provinziel per la furmazion à dat ora n cudejel nuef pensà per duc y nteressei, dantaprima per sculeies cun si genitores che muessa crì ora na scola auta. Cuntenut dl cudejel ie na udleda tlera sun duta la scoles che vën pitedes per l autonn.
L cudejel nuef ie unì fat tla rujenedes tudësch y talian, ma reverda nce la scoles tla valedes ladines. Chisc dis vën l mesun de nfurmazions spartì ora tla scoles mesanes, scoles prufesciuneles y scoles autes. Tla scoles mesanes uniral spartì ora a chëi che fina la scola, tla scoles prufesciuneles y scoles autes a chëi dla prima tlasses.
Sëuraprò al cudejel y ala plates internet uniral nce metù a ji la fiera “Futurum 2011” che sarà dai 17 ai 20 de fauré tla fiera de Bulsan. Chësta ie la fiera dla furmazions dedichedea defin ala reforma dla scola auta.
as
