Atualità
Cunferënza stampa ai 15 de lugio: assessëures sun l ann de scola 2010-11
USP - Cun l finé via di ejams de matura se stluj nce ju l ann de scola 2010-11. I assessëures provinziei ala scola Florian Mussner, Sabina Kasslatter Mur y Christian Tommasini prejenterà n vënderdi ai 15 de lugio per l prim iede deberieda y resultac di ejams dla scoles mesanes y scoles autes fajan nce n bilanz dl ann de scola.
I ejams de matura ie l’ultima pert dl ann de scola. La prejentazion di resultac di ejams carateriseia l di che stluj ju l’atività scolastica. Co che la ie jita y cie che i sculeies à arjont chëst ann prejenterà i assessëures provinziei cumpetënc, Florian Mussner per la Scola Ladina, Sabina Kasslatter Mur per la Scola Tudëscia y Christian Tommasini per la Scola Taliana.
Debereida cun i ntendënc Roland Verra, Peter Höllrigl y Nicoletta Minnei uniral nce fat n bilanz dl ann de scola 2010-11.
La cunferënza stampa sun la fin dl’ann de scola 2010-11
sarà n vënderdi ai 15 de lugio 2011
dala 10.30
tla sala stampa dla Jonta provinziela
tl palaz Widmann, streda Crispi 3 a Bulsan
Culaburadëures di media ie nviei ala cunferënza stampa y de cunedì i cuntenuc.
as
