Atualità
Dai 27 ai 29 de fauré iscrizions ala scolines ladines
USP – Ala fin de fauré, dai 27 ai 29, uniral tla scolines ladines tëut su l’iscrizions per l ann de scolina 2012-13. I plu pitli che possa unì scric ite muessa nchin ala fin de fauré 2013 avëi cumplì i trëi ani.
L Departimënt provinziel per l’educazion tla valedes ladines y la Direzion dla scolines ladines à prugramà i ultimi cater dis de fauré per tò su la iscrizions al proscimo ann de scolina. I genitores possa se prejenté tla scolina dl chemun ulache la families ie da cësa. Per l ann de scolina che vën vëniel tëut su mutans y mutons dai trëi ai sies ani, plu avisa che ie nasciudes/nasciui dan la fin de fauré 2010.
Per la scolina de Sureghes y per la scolines de Urtijëi (Salieta y Scurcià) unirà duta la iscrizions tëutes su zentralmënter tla Direzion dla scolines, tla Scolina Salieta aut ite (streda Roma 4, III. partimënt).
Per scrì ite ala scolina iel da tò pea la cherta dl numer de còdesc fischel di mëndri.
I Cunsëies dla singula scolines tulerà pona nchin ai 08 de merz la dezijion n cont dla cumpëida de mutans y mutons che vën tëuta su te scolina, aldò di criters dla Provinzia y di chemuns.
Te chësc ann de scola - 2011/12 – iel unì tëut su da ndut 745 mutans y mutons tla 17 scolines che toca pra la direzion dla scolines “Ladinia”. De duc chisc mëndri se cruzia 100 danter maestres, culaburadëures pedagogiches y culaburadëures per la ntegrazion, che se tol sëura dla furmazion y dl’ educazion dla mutans y di mutons tla scolines de Gherdëina y dla Val Badia.
Orar de iscrizion ala scolines ladines
SCOLINA | DIS DE ISCRIZION | ORAR |
Sëlva | LU 27.02.2012 | 08.30 - 15.00 |
MI 29.02.2012 | 14.00 - 17.00 | |
S. Cristina | ME 28.02.2012 | 08.30 - 15.00 |
MI 29.02.2012 | 08.30 - 11.30 | |
Salieta | LU 27.02.2012 ME 28.02.2012 MI 29.02.2012 te Direzion | 08.00 - 12.00
14.30 - 17.30 |
Scurcià | ||
Sureghes | ||
Runcadic | LU 27.02.2012 ME 28.02.2012 | 08.00 - 9.00 |
Corvara | LU 27.02.2012 ME 28.02.2012 | 15.00 - 16.00 |
La Ila | LU 27.02.2012 ME 28.02.2012 | 15.00 - 17.00 |
S. Ciascian | LU 27.02.2012 ME 28.02.2012 | 15.00 - 16.00 |
S. Linert | LU 27.02.2012 ME 28.02.2012 | 15.00 - 16.00 |
La Val | ME 28.02.2012 MI 29.02.2012 | 15.00 - 17.00 |
San Martin | LU 27.02.2012 ME 28.02.2012 | 15.00 - 16.00 |
Lungiarü | LU 27.02.2012 ME 28.02.2012 | 15.00 - 16.00 |
Antermeia | LU 27.02.2012 ME 28.02.2012 | 15.00 - 16.00 |
Rina | ME 28.02.2012 | 14.45 - 15.45 |
MI 29.02.2012 | 08.00 - 10.00 | |
Al Plan | ME 28.02.2012 | 08.00 - 10.00 |
MI 29.02.2012 | 14.00 - 16.00 | |
La Pli | ME 28.02.2012 | 09.00 - 11.00 |
MI 29.02.2012 | 15.00 - 16.00 |
Juntà pro: l orar de iscrizion tla singula scolines
as
