Atualità
Dumandes per nsenië tla scoles ladines nchin ai 12 de auril
USP – Nteressei a nsenië l proscimo ann de scola tla scoles di luesc ladins possa nchin ai 12 de auril de ju dumanda per unì tëuc su tla graduatories de istitut. Chiche ova bele fat dumanda per la graduatories provinzieles di nsenianc y ova dat sëura la preferënza, ne muessa nia plu fé chësta segonda dumanda.
La stieres per nsenië tla scoles vën sëurandates aldò de n sistem a doi graduatories: la graduatories provinzieles y la graduatories de istitut. Per la scoles ladines ne iel aldò dla graduatories provinzieles nia candidac assé per curì duta la stieres y la suplënzes. La ntendenza fej na segonda graduatoria, chëla de istitut, ulache possa nce se lascé nuté su chiche à n titul de studi ma che ne à nia fat l’abilitazion.
Da nuef fovel chëst ann la puscibltà de dé sëura preferënzes dl luech ulache n ulëssa nsenië bele pra la graduatories provinzieles. Chiche ne ova nia dat sëura chësta preferënzes y chiche ne ie nia tla graduatories provinzieles, possa śën fé dumanda per ruvé tla graduatories de istitut.
Chësta dumandes muessa unì mandedes ite nchin al plu tert n juebia, ai 12 de auril 2012 tla Ntendënza Ladina, streda Binder 29 a Bulsan. La dumandes muessa unì fates sun i formuleres che ie da abiné sun la plates internet dla Ntendënza ladina www.provincia.bz.it/ntendenza-ladina/argumenc/graduatories.asp
Autramënter permez ala scoles tudësces y talianes, unirà la stieres tla scoles ladines, aldò dla graduatories de scola, sëurandates diretamënter tla singula direzions de scola. I nsenianc ladins ne muessa nsci nia jì a Bulsan per pië do la stiera.
Nfurmazion plu avisa possen damandé do pra Carla Pedevilla tel 0471-417015 (scoles elementeres) y pra Hugo Lanzinger, tel. 0471-417018 (scoles mesanes y autes).
as
