Atualità
Trofeo interladin de hockey ai sculeies de Gherdëina
USP – I sculeies de Gherdëina à venciù la terza edizion dl turnoi interladin de hockey per la scoles mesanes. Tres chësta scumenciadiva sportiva dla scoles à i sculeies dla cin valedes ladines ai 19 de auril à abù ucajion de se cunëscer miec danter ëi.
Chëst ann à la Sorastanza dla scoles de Fascia nvià a Cianacei per l turnoi interladin dla scoles mesanes. Dai juesc de hockey à lunà ora n bon livel tecnich y n juech rëidla.
Venciù à i sculeies de Gherdëina che se à davanià l trofeo interladin che ie chëst ann unì dat ora per l prim iede. La scuadra de cësa, l Fascia ie ruveda segonda dan al Cortina, l Badia y l Àlie (Alleghe).
L di sun dlacia à judà pro a miuré l cuntat danter i jëuni dla valedes ladines te n spirt de bona ujinanza y de sport rëidl.
as
