Atualità
Ai 18 de mei prejentazion dl model de urientamënt dla Scolines Ladins
USP - La scolines ladines à laurà ora prinzips de urientamënt per l lëur che tol ite i pitli mutons y la mutans, ma nce genitores, respunsabli di chemuns y dl sistem de educazion dla Provinzia. N vënderdi ai 18 de mei vëniel a La Ila prejentà i prinzipies de chësc model de urientamënt n muvimënt. I culaburadëures di media ie nviei dala trëi domesdì.
Te si proiet dl ann à la scolines dedicà n majer mpëni a lauré ora i prinzips de urientamënt n muvimënt. L ne se trata nia de ndicazions statiches per lauré mo miec cun i plu pitli, ma de na basa che dëssa do y do unì adateda a mudazions. Dut l cunzet, l resultat ie n prufil pedagogich che dà definizion a i prinzips de lëur.
L program dla prejentazion scumëncia cun i prinzipies de lëur dla Direzion dla scolines “Ladinia”. Daldò saral l’autoriteies a purté dant un n pensier sun uni prinzip dl model de urientamënt. L rujenerà l assessëur Florian Mussner, l Ntendënt Roland Verra, l diretëur de repartizion Alexander Prinoth, l digan dl’università Franz Comploi y l’ispetëura dla scolines Edith Ploner. La prejentazion finerà via cun na performance de JET - Junges Eisacktaler Theater.
Culaburadëures di media ie nviei
n vënderdi, 18 de mei, dala 15.00
tla ciasa de cultura a La Ila
y de fé al savëi i cuntenuc dla prejentazion.
as
