Atualità
Posc ti cunvic dl Austria por i studënc de Südtirol
OSP - Incö vîr 58 studënc de Südtirol, nanter chîsc ince tröc ladins, ti cunvic dl „Akademikerhilfe“, üna dles plö granes organisaziuns de cunvic austriacs. L’assessuria provinziala al istruziun, Sabina Kasslatter Mur y le secretêr general dl “AkademikerInnenhilfe“, Sepp-Gottfried Bieler, á tl ultim fin dl’edema ejaminé le contrat nü y verifiché sce la cuota di posc ti cunvic por i studënc de Südtirol pò ince gni slariada fora.
Le "AkademikerInnenhilfe" manajëia dütaurela i cunvic di studënc a Viena, Leoben, Graz, Klagenfurt, Linz, Salzburg y Desproch y cumpëda düt adüm 3300 posc. 39 studënc da Südtirol é ti cunvic a Viena, 3 a Salzburg, 4 a Desproch y 12 a Graz. La poscibilité da abité te un de chîsc cunvic se basëia sön na convenziun stlüta jö dal Govern provinzial de Südtirol cun les organisaziuns di cunvic dl Austria.Pro en incuntada amesa l'assessuria competënta por le setur dl assistënza scolastica e universitara, Sabina Kasslatter Mur y le le secretêr general dl "AkademikerInnenhilfe", Sepp-Gottfried Bieler, n'él nia ma gnü ejaminé la contlujiun dla convenziun nöia, mo al é ince gnü baié sura la poscibilité de slarié fora le contingënt di studënc de Südtirol. I studënc de Südtirol che tl'Austria ó ciafè en post t'en cunvit po s'adressè a: "AkademikerInnenhilfe" Heimreferat, Pferlgasse 3A, a Viena, le numer de telefônn è: 0043 140176-61/62, la mansciun internet è deperpo: www.akademikerhilfe.at.
EB
