Atualità
Degun atestat de sanità a scola
USP – Per sparanië burocrazia y custimënt à la Jonta provinziela dat pro che i sculeies, do vester stai amalei plu de cin dis, ne muessa nia purté n atestazion dl dutor che i ie ntonn.
Cun chësta dezijion à i assessëures metù n pont finel ala descuscion sun l bujën de zertifiché che n sculé ne sibe nia plu amalà y ti à nsci dat pro na scemplificazion damandeda dai genitores. "Canche i sculeies iei amalei muessi purté n zertificat dl dutor per mace da scola, nscì ne iel nia de bujën che i ne n porte nce una canche i ie inò varì per pudëi jì ala lezions" à spiegà l presidënt Durnwalder tla cunferënza stampa riesc do la senteda dla Jonta.
as
