Atualità
Referat sön i neologisms, ai 10 d’otober tla Teßmann
Ala creaziun de parores nöies él dediché le referat dal titul “Von Wutbürger bis Fiskalpakt“, ai 10 d’otober tla Biblioteca Provinziala Friedrich Teßmann. La sëra vëgn metüda a jì adöm cun la “Gesellschaft für deutsche Sprache”/Seziun de Balsan.
A na moda che la comprenjiun funzionëies mëss le lessich s’adatè tres indô a situaziuns nöies. Chësc adatamënt sozed dantadöt tres la formaziun de parores nöies o tres le tó sö parores forestes. Cun de te’ unitês lessicales, i neologisms, se dà jö le referat. Al se basëia sön i resultać dl proiet „Lexikalische Innovationen“ dl „Institut für Deutsche Sprache „ (Mannheim) en colaboraziun cun la racoiüda y descriziun dl lessich nü dai agn 90 inant.
Le pröm gran vocabolar di neologisms por le lingaz todësch é gnü fora por i agn ‘90 dl 2004. Le lessich di pröms dejenars dl 21ejim secul vëgn fora ćiamò en chësc ann (auturs: Steffens/al-Wadi).
Le referat sön i neologism, en jöbia ai 10 d’otober, mët man dales 8 da sëra tla Biblioteca Provinziala Friedrich Teßmann, strada A.-Diaz 8 a Balsan.
usp
