Atualità
Gran cripele de Gherdëna dan le palaz provinzial 2 a Balsan
USP - La jënt da tlo y i sciori po ti ciarè a na cripele particolara dan le palaz provinzial II a Balsan: vis-à-vis dla staziun dla ferata a Balsan, dan la sënta ofiziala dl assessur ladin Florian Mussner él gnü metü sö na cripele de grandëza naturala de dui artisc de Gherdëna.
„Cun chësta gran cripele n'ô i artisć de Gherdëna nia ma ti audè n bun Nadè a döta la jënt dl Südtirol y a düć i sciori, mo inće descedè l'atenziun por la tradiziun y la cultura ladina a na moda che inće jënt defora dales valades ladines ais ligrëza impara", s'la conforta l'assessur provinzial Mussner.
La cripele ziplada cun figöres de grandëza naturala é de Filip Moroder de Urtijëi y Thomas Comploi da Santa Cristina. Ti agn passà êra gnüda metüda sö tl foyer dl frabicat dl Consëi provinzial.
Sce an vëgn dala staziun dla ferata vëigon l'entrada dla curt dl palaz provinzial cun la cripele de lëgn, a chëra che bele tröc ti à ćiarè cun morvëia. Al é da odëi 22 figöres de lëgn de linda. Les figöres é partides sö te 7 grups. La sacra familia é le grup cun les majeres figöres. Ares é 2,5 altes.
USP
