Atualità
Les Opziuns 75 agn do: sëra de referać tla Teßmann
En ocajiun di 75 agn dales opziuns inviëia la Biblioteca Provinziala Dr. Friedrich Teßmann deboriada cun la seziun da Balsan dl Tiroler Geschichtsverein y le Archif Provinzial a na sëra de referać ai 10 de jügn dl 2014.
Stefan Lechner tëgn n referat sön l'argomënt „Gehen oder Bleiben? Die Option 1939" (Jì o stè? Les opziuns 1939). La pert zentrala de so referat é na rapresentaziun de vijiun generala dles opziuns y dl trasferimënt dla jënt dl Südtirol. Implü vëgnel inće fat n confrunt cun trasferimënć de d'atri "popui todësc" (p.ej. dai Paîsc Baltics) y jü ite sön co che an s'à dè jö cun les opziuns do le 1945.
Carlo Romeo baia sön „La ricezione italiana delle opzioni del 1939" (La rezeziun taliana dles opziuns dl 1939). Süa relaziun descrî le comportamënt dles autoritês talianes, dla stampa y dl'opiniun publica taliana tratan les opziuns. Spo val ite plü avisa sön sciöche al s'à mudé la manira da rezepì chi avenimënć dal punt de odüda talian a livel diplomatich, storiografich y tla divulgaziun: dala chestiun de strit sön la paternité dles opziuns ćina les manires nöies da ti jì pormez che à slarié y integrè les prospetives.
La sëra de referać gnarà organisada
en mertesc, ai 10 de jügn dl 2014
dales 20.00
tla Biblioteca Provinziala Dr. Friedrich Teßmann,
strada A.-Diaz 8, Balsan
Introduziun y moderaziun de Gustav Pfeifer, Archif Provinzial
Refernëć:
Stefan Lechner, storiograf y maester, atualmënter colaboradù dl Archif Provinzial: „Gehen oder Bleiben? Die Option 1939" (referat por todësch)
Carlo Romeo, storiograf y maester: „La ricezione italiana delle opzioni del 1939" (referat por talian)
rc
