Atualità
Dala Junta: Aprovà 13 miliuns de euro por i stipendiums por studënć
La junta provinziala à aprovè incö (mertesc ai 24 de jügn) indöt 13 miliuns de euro por finanzié i stipendiums por studënć por le proscimo ann academich. L’ultimo dé por presentè les domandes por n stipendium é ai 31 de otober.
Sciöche àl é gnü splighé incö, mertesc ai 24 de jügn, dal Presidënt Arno Kompatscher, à la junta provinziala tut la dezijiun da finanzié cun 13 miliuns de euro, partis sö danter studënć dles universitês tl Südtirol y fora dai confinns dla provinzia, i stipendiums por le proscimo ann academich 2014/15. Les domandes podarà gnì presentades ćina ai 31 de otober 2014. Le finanziamënt é partì sö te döes perts: 9,5 miliuns ti jarà ai studënć che frecuentëia n'université fora dal Südtirol y gnarà partis sö te indöt 1.638 stipendiums da 5.800 euro vignun. Indöt 604 stipendiums (tres de 5.800 euro) gnarà assegnà a studënć universitars che stüdia tla Provinzia de Balsan y che fej fora na spëisa totala de 3,5 miliuns de euro.
L’ultimo dé por fà domanda por n stipendium é ai 31 de otober. Les domandes po gnì fates tres le sorvisc online dl e-government che an po ciafè sön la plata dla Rëi zivica dla Provinzia ala misciun: http://www.provinzia.bz.it/la/sorvisc/sorvisc-categories.asp?bnsvf_svid=1005280
rc
