Atualità
Domandes online por stipendiums: domandes ćina ai 31 d’otober
Da inier inant (ai 6 d‘agost) po i studënć y les studëntes fà domanda online por stipendiums y retüda dles tasses universitares por l’ann 2013/2014. Le terminn toma ai 31 d’otober dl 2014.
Les domandes por i stipendiums por la Talia y foradecà é dan man tres le sorvisc E-Government https://forms.egov.bz.it/studienbeihilfe. Por ti rové pormez a chësc sorvisc val debojëgn dla cherta di sorvisc cun chip. Chësta mëss gnì ativata te comun.
Ma i studënć y les studëntes che à na cherta di sorvisc zënza chip o che n’à degöna cherta po damanè do n account personal pro l’Ofize provinzial Promoziun dl stüde universitar. L’account personal é metü adöm da inom dl utënt y password y conzed da rové pormez ala domanda online.
Pornanche la domanda é gnüda scrita fora online y ortiada inant ciàfon na confermaziun tres e-mail. Les studëntes y i studënć é dër bel perià da controlè sce la e-mail röia adalerch.
Sce an ne ciafa nia n avis de confermaziun pon cherdè sö l’Ofize provinzial Promoziun dl stüde universitar, Université y Inrescida al numer de telefonn 0471 412926 (universitês defora dl Südtirol), 0471 412946 (universitês tl Südtirol) o tres e-mail hochschulfoerderung@provinz.bz.it olache an ciafa de plü informaziuns.
La bandida dl concurs sciöche inće informaziuns é da ciafè te internet sot www.provinz.bz.it/bildungsfoerderung y sön la Rëi zivica dl Südtirol.
Le terminn toma ai 31 d’otober dl 2014.
rc
