Atualità
Scores profescionales: Assegnà prësc 380 posć por l’ann scolastich 2014/15
Les scores profescionales por la formaziun todëscia, taliana sciöche inće les scores profescionales agricoles y de economia de ćiasa se arjigna ca por le proscimo ann scolastich. Ti ultimi dis él gnü assegné da pert dla Repartiziun Personal a Balsan indöt 380 inćiaries.
Insciö él gnü assegné dai 5 ai 8 de agost i posć tles scores profescionales todësces y ladines, por l’agricolöra y por l’economia de ćiasa. Ai 4 de agost él gnü dè fora i posć por les scores profescionales de lingaz talian. Indöt él gnü metü a desposiziun 597 posć. An à podü confermè 323 contrać de laûr y 50 azetaziuns por n'inćiaria. Al messarà ćiamò gnì assegné ćina le mëteman dl ann de scora zirca 224 posć lëdi o suplënzes tres convocaziun dirëta.
Por ći che reverda la scora profescionala todëscia él romagnü na seria de posć lëdi te chëstes materies: religiun, talian (secundo lingaz), sciënzes agrares, sciënzes naturales, chimica, biologia, sciënzes dl’alimentaziun umana, economia de ćiasa, eletrotecnica y eletronica. An à indere bele podü dè ia i posć por l’insegnamënt de iurisprudënza, psicologia, pedagogia, sociologia, y por ći che reverda les materies d’insegnamënt da sorvì y cujiné.
Por ći che reverda les scores profescionales talianes é posć ćiamò lëdi por l'insegnamënt de chëstes materies: todësch (secunda materia), materies profescionales, insegnamënt dla mecania y dla pedagogia soziala.
rc
