Atualità
Nvit Di dla Porta Davierta y Festa per i maturanc
La Jonta Provinziela à fat ora de tenì ai 5.9. 2014, Di dl’Autonomia, l Di dla Porta Davierta dl’Aministrazion Provinziela.
Nce la Ntendënza Ladina giaurirà si portes a Bulsan n chël di domesdì y l unirà n chësta ucajion giaurì dala 14.00 na mostra sun i Ladins tl atrium dla Ntendënza tla streda Bottai/Binder 29.
Dala 15.00 saral tl salamënt dla sentedes dla Ntendënza Ladina a Bulsan la festa per i maturanc ladins che à stlut ju chëst’ ann la scola auta cun bon suzes. L unirà sëurandat dal Assessëur Ladin Florian Mussner n sëni de recunescimënt ai studënc per si bela arjonta.
rc
