Atualità
"Por ejëmpl la Ladinia": Linia de referać sön l'architetöra tla Teßmann
La biblioteca "Dr. Friedrich Teßmann" da Balsan mët da jì na seria de referać sön le svilup dl'architetöra y les conseguënzes dl influs dl turism sön la contrada y les costruziuns tla Val Badia y Gherdëna. Le pröm referat de Carlo Calderan sön le "Frabiché tla Ladinia" vëgn tignì en jöbia, ai 18 de setëmber dales 18 tla Teßmann.
L'architetöra tles valades ladines y le svilup dl stil architetonich tl tëmp tles valades dla Val Badia y te Gherdëna é al zënter dla linia de referać metüda a jì dala biblioteca "Dr. Friedrich Teßmann" da Balsan sot al inom "Bauen in Ladinien. Architektursprache der Vergangenheit und Gegenwart in den ladinischen Tälern" („Costruì tla Ladinia. Le stil architetonich dl passè y dl tëmp presënt tles valades ladines"). Les valades ladines tol ite chës contrades cun chëres che la provinzia da Balsan vëgn normalmënter identificada. Porchël éres le motor dl’industria dl turism dl Südtirol y tl medemo tëmp le post olache la trasformaziun dla contrada da pasteröra y dl laûr da paur originara te val‘ de nü, a chël che i ne s’anfidun nia da ti dì contrada turistica, é stada maiù.
Te chësc mudamënt dl raiun tradizional pêl che l’architetöra de Gherdëna y dla Val Badia – inće sce ara à ejëmpli storics de gran cualité – ais plülere n rode secundar, dantadöt en confrunt a d’atri raiuns che é economicamënter plü debli. Avisa te chësc ćiamp él la poscibilité che al se svilupëies proieć moderns por insediamënć da munt, na bona ocajiun por jì fora por les valades ladines a chirì novitês dl modamënt dl'espresciun architetonica.
Carlo Calderan dëura la linia de presentaziuns da chësc ann „Beispielsweise Ladinien – Por ejëmpl la Ladinia“ cun le referat „Bauen in Ladinien. Architektursprache der Vergangenheit und Gegenwart in den ladinischen Tälern“
en jöbia, ai 18 de setëmber dl 2014,
dales 20.00,
tla Biblioteca Provinziala Dr. Friedrich Teßmann,
strada A.-Diaz 8, Balsan.
La linia de referać va inant ćina de dezëmber dl 2014 y vëgn stlüta jö cun na festa de jenà dl 2015 „Fünf Täler, fünf Sinne“. De plü informaziuns sön: www.tessmann.it
rc
