Atualità
Sëra d’informaziun:„Prighi sön Internet –Cumprè y prenotè söl web“ ai 08/10
Por informè sön i prighi pro les cumpres y les prenotaziuns online él l'Ofize Media audiovisuai adöm ala Zentrala europeica di consumadus che mët a jì la manifestaziun d’informaziun „Gefahren im Netz- Kaufen und buchen im Internet“ ai 8 de otober a Balsan cun le fin da sensibilisé y mostrè sö ai consumadus les poscibilitês de proteziun cuntra trapolades söl web.
Por merit dl internet él poscibl aldedaincö da efetué danter l'ater cumpres, prenotaziuns y paiamënć diretamënter dla computer da ćiasa te na manira asvelta y pratica. Cun l’aumënt dles ofertes y poscibilitês s’à indere inće multipliché es formes de trapolades tres paiamënć y ofertes online. Por fà löm sön co evitè da ester na vitima dles trapolades organisëia l'Ofize Media audiovisuai dla Provinzia adöm ala Zentrala europeica por i consumadus na sëra d’informaziun dal titul “Gefahren im Netz- Kaufen und buchen im Internet“ olache al gnarà dè inant informaziuns pratiches y concretes sön les cumpres, les prenotaziuns y paiamënć online. La sëra d’informaziun vëgn tignida
en mercui, ai 8 de otober,
dales 19.30
tl Palaz Provinzial 7,
strada Andreas Hofer 18,
a Balsan
en presënza dles referëntes Monika Nardo y Barbara Klotzner dla Zentrala europeica di Consumadus de Balsan. Por to pert él nezesciar da se scrì ite ćina en lönesc, ai 6 de otober tres la misciun email medien@provinz.bz.it o i numeri de telefonn 0471-412915 o 0471-412923. La manifestaziun é debann por i ascutadus.
rc
