Atualità
Incuntada cun l'Istitut ladin Micurà de Rü tl “Centro Trevi” a Balsan
La Biblioteca provinziala taliana "Claudia Augusta" y le Zënter Multilingual dl Departimënt Cultura taliana dla Provinzia organisëia n’incuntada cun l'Istitut ladin Micurà de Rü y la presentaziun dl Dizionar talian - gherdëna.
Sot le moto "Parores y lingac rondenëia danter nostes munts" saràl
en jöbia, ai 23 d’otober dl 2014,
dales 18.00, tl Centro Trevi,
tla strada Cappuccini 28 a Balsan,
l'incuntada cun l'Istitut ladin Micurà de Rü. L'apuntamënt vëgn organisé adöm cun la Biblioteca provinziala taliana "Claudia Augusta" y le Zënter Multilingual dl Departimënt Cultura taliana dla Provinzia. En chësta ocajiun gnaràl presentè da Marco Forni dl Istitut Ladin Micurà de Rü le Dizionar gherdëna - talian.
Le Zënter Multilingual sarà davert ćina les 19.30 y metarà fora les ressurses por l'aprendimënt dl ladin. Dötes les porsones interessades é dër bel inviades. L'entrada é debann.
rc
