Atualità
Referat cun Paul Videsott y Rico Cathomas ai 20 de novëmber tla Teßmann
„Le lingaz obliëia! La scora ladina sciöche model europeich?" – Paul Videsott, professur dla Repartiziun ladina dl’Université de Balsan y Rico Cathomas, Professur de didatica generala, didatica plurilinguistica y mënagrup tl'Université lëdia de Balsan tignarà en jöbia ai 20 de novëmber dui referać tl cheder dla linia „Por ejëmpl la Ladinia“ metüda a jì dala Biblioteca provinziala dla Teßmann.
Paul Videsott tignarà n referat dal titul „Ein Ladinisch, kein Ladinisch oder fünf Ladinisch?“: I trëi lingac provinziai dl Südtirol é aladô dla lege todësch, talian y ladin. Mo indere ći ladin pa? De chësta chestiun vëgnel baié tla Ladinia te na manira controversa y emozionala. I südtirolesc de lingaz talian y todësch ne s'intënn invers feter gnanca de chësc. Ara ne va nia ma de na discusciun blot academica, mo ara se trata dl matignimënt de n lingaz.
Rico Cathomas baiarà dl tema „Top Chance Mehrsprachigkeit: Lernen von den Minderheiten?“ L'educaziun te dui o plü lingac é n "argomënt d'inrescida" delicat, emozional y complès: an va a tochè chestiuns neuronales y psicologiches, mo inće tematiches dl'educaziun te familia y te scora, seturs dla metodica y didatica linguistica, les funziuns dl'organisaziun dl program didatich y scolastich ćina chestiuns de politica linguistica, de dërt linguistich y d'economia. Al é interessant che al é propi mendranzes linguistiches che à sovënz esperiënzes de agn cun na scoraziun te de plü lingac, sciöche al é le caje pro i retoromans dla Svizera y i ladins tl Südtirol.La linia de referać „Por ejëmpl la Ladinia“ metüda a jì dala Biblioteca provinziala dla Teßmann va insciö inant
en jöbia, ai 20 de novëmber
dales 20.00
Biblioteca provinziala Dr. Friedrich Teßmann,
str. A.-Diaz 8, Balsan
cun i referać „Ein Ladinisch, kein Ladinisch oder fünf Ladinisch?“ de Paul Videsott, professur dla Repartiziun ladina dl'Université lëdia de Balsan y Istitut sudtiroleis di Grups etnics y „Top Chance Mehrsprachigkeit: Lernen von den Minderheiten?“ de Rico Cathomas, professur de didatica generala, didatica plurilinguistica y mënagrup tl'Université lëdia de Balsan. Ćiamò na manifestaziun dla linia de referać "Por ejëmpl la Ladinia" vëgn tignida ai 11 de dezëmber dl 2014; de jenà dl 2015 vëgn la linia stlüta jö cun na festa "Cin valades, cin sënsc". Le program dla linia de referać "Por ejëmpl la Ladinia" é gnü injuntè.
USP
