Atualità
La Junta à aprovè la proposta de lege sön l’istruziun,presentaziun ai 11/12
Le dessëgn de lege sön l’istruziun é gnü aprovè incö (09/12) dala Junta provinziala. Le proscim vare é l’ejaminaziun y l'aprovaziun da pert dl Consëi provinzial. Denant él i assessurs por l’istruziun Florian Mussner, Philipp Achammer y Christian Tommasini che tignarà na conferënza stampa de presentaziun dl dessëgn de lege, en jöbia ai 11 de dezëmber ales 09.00 a Balsan.
„Sura le dessëgn de lege sön l'istruziun él gnü fat na discusciun dër ampla: insciö él stè meso da completè y integrè le test de lege cun les propostes dles perts interessades“, sotlignëia i trëi assessurs por l’istruziun Florian Mussner, Philipp Achammer y Christian Tommasini en ocajiun dl’azetaziun dla proposta da pert dla Junta provinziala incö, mertesc ai 9 de dezëmber. Le dessëgn de lege prevëiga plü mudaziuns dla lege provinziala tl setur dl’istruziun y dl status iuridich dl personal didatich, danter l'ater por ći che reverda la regolamentaziun dl’azetaziun de credić formatifs extra-scolastics, l’assunziun y le status iuridich dl personal didatich tres na mudaziun dl sistem dles gradatöres che deventass plü sigüdes y l’assiguraziun dla continuité didatica tles scores tres na seria de mosöres che prevëiga na limitaziun dla mobilité di insegnanć y dles insegnantes. Denant che al mëtes man la discusciun tl Consëi provinzial por l’aprovaziun definitiva, gnaràl tignì na conferënza stampa de presentaziun dla lege sön l’istruziun
en jöbia ai 11 de dezëmber
dales 09.00
tla curt interna dl Palais Widmann
plaza Silvius Magnago 1
a Balsan
en presënza di trëi assessurs por l’istruziun Florian Mussner, Philipp Achammer y Christian Tommasini.
rc
