Atualità
Invit ala presentaziun dl CD »Gejù, cun tè poi crësce« ai 13/03 a La Val
La CD „Gejù cun tè poi crësce“ é na racoiüda de ćianties religioses metüda adöm dales scolares y dai scolars dla 5a tlassa dla scora elementara da La Val dl ann passè sot la direziun musicala de Veronica Rubatscher. Le resulat final, dè fora dal Ćiamp Inovaziun y Consulënza dl Departimënt Educaziun y Cultura Ladina, gnarà presentè en vëndres, ai 13 de merz, dales 16:00 tla dlijia da La Val.
Te de plü ocajiuns se à mitans y mituns arjigné ca deboriada a festes liturgiches, dantadöt ales festes dla Pröma Santa Comuniun, y à porvè da portè ite sü pinsiers. Sön la basa de reflesciuns fates sön argomënć dl vire deboriada y impresciuns sön la vita tla comunité y tla liturgia él resulté na ligna de ćianties che la 5a tlassa elemenatara dl ann de scora passè à orü tó sö cun le Studio Davide Records sot la bachëta de Veronica Rubatscher.
Le resultat final, dè fora dal Ćiamp Inovaziun y Consulënza dl Departimënt Educaziun y Cultura Ladina, gnarà portè dant dales scolares y dai scolars cun la presentaziun de n valgönes ćianties
en vëndres, ai 13 de merz,
dales 16:00
tla dlijia dl paîsc
da La Val
en presënza dla ideadëssa dl proiet Veronica Rubatscher, dl intendënt Roland Verra, dl diretur dl Ćiamp Inovaziun y Consulënza Felix Ploner, dl degan siur Iaco Willeit y dla direturia Claudia Canins. Dötes les porsones interessades é dër bel inviades a tó pert ala manifestaziun.
rc
