Atualità
„Vire l’intlujiun“, ai 20 de merz n convëgn a Toblach
„Vire l’intlujiun“, chësc é le titul de n convëgn che vëgn metü da jì dal'organisaziun ’Kooperation Pustertal’, na plataforma che cöi adöm y mët en rëi dötes les istituziuns y i sorvisc che laôra cun jogn y mituns. Le terminn por l’incuntada é en vëndres ai 20 de merz a Toblach, a chël che al tolarà inće pert i assessurs Philipp Achammer y Waltraud Deeg.
Acompagné i mituns y i jogn tratan so percurs de svilup y i sostignì tla creaziun de na cultura nöia dla diversité. Chësc é l’obietif dl'organisaziun Kooperation Pustertal, na rëi de istituziuns y de sorvisc che vigni ann mët a jì n convëgn spezifich dediché ales chestiuns che reverda l’intlujiun. Al’incuntada, che porta le titul „Vire l’intlujiun“ tolaral inće pert i assessurs provinziai Philipp Achammer y Waltraud Deeg, adöm cun na seria de esperć dl setur. Le convëgn, tratan chël che al gnarà inće presentè le portal internet nü dl’organisaziun Kooperation Pustertal, gnarà tignì
en vëndres ai 20 de merz dl 2015
dales 09:00 ales 16:15
tl salf di spidli dl Gran Hotel
a Toblach.
rc
