Atualità
Malala sun paladina: Reprejentazion teatrela dla scola mesana te Sëlva
Tl cuntest di proiec de teater urganisei dala Repartizion Cultura y Ntendënza ladina vëniel metù a jì DUMAN, vënerdì, ai 17 d’auril, dala 11:30 tla Cësa de Cultura de Sëlva na reprejentazion teatrela dla sculées y di sculeies dla segonda tlas dla scola mesana de Sëlva dal titul „Ma quando finisce questa guerra?“.
L vën tratà la tematiches di cunflic te si aspec plu defrënc per renfurzé i valores dla cunvivënza y dla pesc: chisc ie i obietifs prinzipei di proiec culturei metui a jì dala Repartizion Cultura y Ntendënza Ladina tla scoles mesanes y autes de Gherdëina y dla Val Badia. DUMAN iel la segonda tlas dla scola mesana de Sëlva che prejentea l resultat finel dal titul „Ma quando finisce questa guerra?“ cun na reprejentaziun teatrala
n vënerdì, ai 17 d’auril
dala 11:30
tla Cësa dla Cultura de Sëlva.
La regia ie de Erika Castlunger. L se trata dl'ultima reprejentazion dl proiet de teater sun la viera metù a jì dala Repartizion Cultura y Intendënza Ladina. La tematica ie l'educazion de viers dla pesc cun de plu scenes che nes mostra situazions te chëles che mutons y mutans muessa patì y cun scenes sun la vita de Malala che à giapà l pest Nobel per la pesc tl 2014 y ie cunesciuda per si atività per l dërt universel al 'istruzion y ala furmazion.
Duta la persones nteressedes ie nviedes a unì a cialé pro. L invit ie njuntà.
USP
