Atualità
Prejentazions dl diare de Filomena Prinoth-Moroder
L diare “Wenn doch endlich Frieden wäre!“ de Filomena Prinoth-Moroder vën prejentà ai 12 de mei dala 20.30 tla Cësa de Cultura a Urtijëi y ai 13 de mei dala 20.00 tla biblioteca Teßmann a Bulsan.
La cronica de Filomena Prinoth, fëna dl dutor de Urtijëi, ie n documënt autentich dla vita da uni dì ntan la prima viera mundiela. Cie che semea tl prim vester na ventura curta se svilupea te na gran catastrofa che toca nce la familia plutosc dal muet dl'autora dl diare: la fam se fej lerch, i jëuni vën cherdei ite tla viera y ne vën nia plu de reviers, saudeies fulestieres populea la valeda, sdredies de perjunieres rusc frabica la trassa dla ferata.
L diare "Wenn doch endlich Frieden wäre! Aus dem Tagebuch der Filomena Prinoth-Moroder 1914 - 1920" unirà prejentà n merdi ai 12 de mei dala 20.30 tla Cësa de cultura de Urtijëi y n mierculdi ai 13 de mei dala 20.00 tla Biblioteca provinziela Teßmann (streda Armando Diaz 8, Bulsan). La prejentazion a Urtijëi fej pert dla lingia dla manifestazions "Gherdëina y la Gran Viera"(na cunlaurazion danter i Cunsëies de furmazion de Gherdëin y l Istitut Micurà de Rü). La prejentazion a Bulsan ie unida a se l dé tres na cunlaurazion danter la biblioteca Tessmann, la Repartizion Cultura ladina y l editëur Folio.
La curadëura dla publicazion Margreth Runggaldier-Mahlknecht liej ora dl diare de si besava y prejentea n valguna fotografies storiches ora dl liber.
rc
Galaria dales fotografies
