Atualità
Scores altes y profescionales: Fin dl ann de scora ai 12 de jügn
Por düc i scolars y les scolares dles scores altes y profescionales sará le vëndres, ai 12 de jügn, le ultim dé de scora. Sciöche i trëi intendënc Roland Verra, Peter Höllrigl y Nicoletta Minnei lascia alsavëi é chësc terminn gnü a se le dé por gauja dla pröma proa scrita dl’ejam de madoranza (matura) dles scores altes che gnará tigní en mercui ai 17 de jügn.
Tröpes domandes é rovades ales Intendënzes da pert di geniturs y studënc por s’informé sön la data prezisa de contlujiun dl ann de scora dles scores altes y profescionales. La pröma proa scrita dl’ejam de madoranza gnará tigní en mercui, ai 17 de jügn. Le comisciuns d’ejame ará bele sentades ai 16 de jügn, por arjigné ca les proes. Por che al ne vëgnes nia a se le dé problems d’organisaziun tles scores altes y profescionales á la Junta stabilí da d’altonn dl 2014 che l’ann de scora tles scores altes y profescionales se rovará ai 12 de jügn.
Por les scores elementares y mesanes se rovará l’ann de scora ai 16 de jügn, sciöche ince por les scolines.
rc
