Atualità
Dala Junta: aprové le ddl nü sön la cultura, presentaziun ai 28 de ma
Amplié i stromënc de finanziamënt y i ënc che pó fá domanda, n test unich y la scemplificaziun dla burocrazia é i obietifs prinzipai dl dessëgn de lege nü che reverda la promoziun dla cultura. Le ddl nü é gnü aprové incö (26 de ma) dala Junta provinziala sön proposta di assessurs Florian Mussner, Christian Tommasini y Philipp Achammer. La presentaziun sará en jöbia ai 28 de ma.
Le dessëgn de lege nü sön la promoziun dla cultura é gnü aprové incö, mertesc ai 26 de ma, sön proposta di trëi assessurs competënc. Öna dles ghiranzes prinzipales di auturs dl test é chëra da orëi ti pité a düc chi che laora tl setur cultural n test unich y tler, che contëgnes dötes les desposiziuns y normes che é gnüdes despartides tl tëmp te plü leges provinziales. Implü ó i trëi assessurs amplié le numer de stromënc por rové a n finanziamënt y revaluté les consultes culturales. Por arjunje chisc obietifs él le dessëgn de lege che prevëiga plü mosöres de sostëgn che reverda danter l’ater i ënc che pó fá domanda, i contribuc y la formaziun.
Le dessëgn de lege nü, che ti gnará sëgn mené inant al Consëi provinzial, ti gnará presenté al publich y ai media te na conferënza stampa
en jöbia ai 28 de ma
dales 11.00
tl salf dla stampa
de Palaz Widmann,
plaza Silvius Magnago 1
a Balsan
dai assessur Philipp Achammer y Christian Tommasini.
rc
