Atualità
Fin dl ann de scora: Conferënza stampa di trëi assessurs y intendënc
L’ann scolastich 2014/2015 se röia sëgn ince por düc chi scolars y dötes les scolares che á albü i ejams finai dles scores mesanes y altes. L’assessur por la scora ladina Florian Mussner presenterá ai 13/07 dales 11.00 te na conferënza stampa a Balsan le bilanz final dl ann de scora 2014/15 adöm cun i dui assessurs Philipp Achammer (scora todëscia) y Christian Tommasini (scora taliana).
Tratan la conferënza stampa gnarál presenté n bilanz general dl ann scolastich rové adöm cun i resultac di ejams finai dles scores altes y mesanes. Adöm ai trëi assessurs por l’istruziun Florian Mussner (scora ladina), Christian Tommasini (scora taliana) y Philipp Achammer (scora todëscia) sarál ince presënc i dui intendënc Roland Verra y Peter Höllrigl y l'intendënta Nicoletta Minnei.
Tratan la conferënza stampa gnarál implü porté dant i resultac di ejams dles scores profescionales por l’agricoltöra y l’economia y por l'economia de ciasa y l'alimentaziun y la scora forestala. La conferënza stampa sará en
lönesc, ai 13 de lugio 2015,
dales 11.00
tl salf stampa de Palaz Widmann
plaza Silvius Magnago 1
Balsan
Düc i media y interessá é dër bel inviá a tó pert.
rc
