Atualità
Scores de musiga: 59 posć por insegnanc é gnüs assegná
Ince les scores de musiga s’arjigna ca por le scomenciamënt dl ann de scora nü 2015/16. Tla sënta dla Repartiziun Personal dla Provinzia a Balsan él gnü surandé ai 6 y 7 d’agost indöt 59 di 86 posć a desposiziun. Di cinch posć resservá al grup linguistich ladin é ciamó trëi lëdi.
Na condiziun importanta por n bun scomenciamënt dl ann dles scores de musiga é n’assegnaziun abonora di posć por i maestri de musiga. Ai 6 y ai 7 d’agost él insciö gnü organisé pro la sënta dla Repartiztiun Personal dla Provinzia a Balsan i posć a tëmp determiné tl setur dles scores de musiga ladines y todësces.
I posć lëdi ê indöt 86: 81 por les scores de musiga todësces y cinch por chëres ladines. La maiú pert di posć surandá reverda l’insegnamënt dl fabló, dla pedagogia musicala, dla chitara y dl tlavier. Indöt él sté poscibl da assegné 59 posć por les scores de musiga ladines y todësces. I posć ciamó lëdi podará sëgn gní surandá dales direziuns dles scores de musiga tres n’assegnaziun direta. Por ci che reverda les scores de musiga ladines é i posć lëdi resservá al grup linguistich ladin dötadöm trëi: un n post por l’insegnamënt de tlavier y un por l’insegnamënt di orghi da man (scora de musiga dla Val Badia) y un n post por l’insegnamënt dla chitara (scora de musiga de Gherdëna). Plü informaziuns pon ciafé sot a: http://www.provincia.bz.it/personal/de-la-musikschulen-direktberufung.asp?aktuelles_action=4&aktuelles_article_id=509094
La Repartiziun Personal dla Provinzia segnalëia che la lista cun i posć ciamó lëdi, aladô dl regolamënt dl personal provinzial, pó gní consultada diretamënter sön internet sot a: www.provincia.bz.it/personal/de-la-musikschulen-direktberufung.asp
rc
