Atualità
7 de setëmber: Presentaziun di Zëntri por la promoziun di lingac
En gaujiun dl scomenciamënt dl ann scolastich nü organisëia le Zënter de competënza y i Zëntri por la promoziun dl lingac che se crüzia dl’integraziun di scolars che vëgn da d’atri Paisc n convëgn d’ajornamënt por i insegnac. L’incuntada gnará a se le dé en lönesc ai 7 de setëmber dales 14.00 tl’Eurac a Balsan en presënza di assessurs Mussner, Tommasini y Achammer.
L’istituziun di Zëntri por la promoziun di lingac vá zoruch al ann 2007 y reverda n proiet dla Provinzia por favorí l’integraziun dles scolares y di scolars che vëgn da d’atri Paisc dl monn. Dla coordinaziun y dl’organisaziun di Zëntri por la promoziun di lingac se crüzia le Zënter de competënza cun esperc dles trëi Intendënzes scolastiches. En ocajiun dl scomenciamënt dl ann scolastich nü 2015/16 organisëia le Zënter de competënza adöm ai Zëntri por la promoziun di lingac n’incuntada cun les insegnates y i insegnac en
lönesc ai 7 de setëmber
dales 14.00
tla sënta dl’Eurac
a Balsan
en presënza di assessur provinziai por la scora Florian Mussner, Christian Tommasini y Philipp Achammer. Le program prevëiga danter l’ater la presentaziun dl Zënter de competënza y di Zëntri por la promoziun di lingac, na relaziun sön la tematica „Imparé y ascuté“ y la presentaziun dl’oferta di cursc d’ajornamënt por l’ann scolastich 2015/16.
rc
