Atualità
Leteratöra todëscia: Na sëra cun l’editur Jochen Jung a Balsan ai 02/12
Jochen Jung, autur, letur y un di plü gragn editurs dla leteratöra todëscia sará le ghest d’onur en mercui ai 2 de dezëmber dla biblioteca provinziala Teßmann da Balsan por na sëra de discusciun y presentaziun de sües incuntades leterares cun poetësses y poec dl passé y dl presënt.
Jochen Jung é instëss autur, letur y vëgn conscidré un di editurs plü importanc de leteratöra todëscia. Tratan na sëra de discusciun organisada dala biblioteca provinziala Teßmann presentará Jung so liber dal titul "Zwischen Ohlsdorf und Chaville" te chël che al cuntra dla colaboraziun cun de plü scriturs y auturs, da Thomas Bernhard a Peter Handke, da Ursula Krechel a Arnold Stadler, da Gernot Wolfgruber a Marianne Fritz. L’autur presentëia te plü episodes i gragn inoms dla leteratöra dl tëmp passé y presënt, sciöche ince chi che é gnüs desmentiá por tort. Tl medemo tëmp deurel na picera porta che condüj tla fujina de n editur che fej so laur cun na gran pasciun.
La sëra cun l'editur Jochen Jung ala Teßmann sará en mercui ai 2 de dezëmber dl 2015 dales 20.00 inant. La discusciun cun l’autur sará por todësch cun domandes y reflesciuns da pert de Gottfried Solderer, editur de Edition Raetia. Jochen Jung é sté agn alalungia letur y diretur dl program dla ciasa edituria Residenz, dl 2000 ál metü sö la ciasa edituria "Jung und Jung". Al colaborëia cun i foliec ZEIT, Berliner Tagesspiegel, Wiener Presse y Salzburger Nachrichten.
La Biblioteca Provinziala Dr. Friedrich Teßmann á süa sënta tla strada Armando Diaz 8 a Balsan, Telefon 0471 471814, E-Mail info@tessmann.it; http://www.tessmann.it/
rc
