Atualità
Al é gnü aprové dui master dla Uni de Balsan
Musicologia y injenieria industriala mecanica – te chisc dui ciamps jarára tl dagní da fá n master al’Université de Balsan. La junta provinziala i á aprové incö (ai 22 de dezëmber).
Do che le senat y le consëi dl’Université â azeté les edemes denant l’istituziun de dui master, á la junta provinziala autorisé sëgn süa ativaziun: ara á dé so consëns sön la basa dl ordinamënt di stüdi dla Université Lëdia de Balsan.
Le master de musicologia vëgn metü sö tla Facolté de Sciënzes dla Formaziun y metü a jí en colaboraziun cun l’Université de Trënt. Le master de injenieria industriala mecanica vëgn pité dala Facolté de Sciënzes naturales y Tecnica en colaboraziun cun la Université Otto-von-Guericke de Magdeburg. "Ajache al é tan tröc che se scrí ite al bachelor te chisc dui ciamps, êl dërt da i amplié cun n master", insciö le presidënt dla Provinzia Arno Kompatscher, che é ince responsabl por l’université, la sciënza y l’inrescida.
OSP
