Atualità
Dala Junta: Stipendiums por meric particolars a studënc dl'université
La Junta provinziala á aprové incö (16/02) döes bandides de concurs por la conzesciun de stipendiums a studënc y studëntes che á stlüt jö l’ann 2014/15 cun resultac ezelënc: al vëgn metü a desposiziun indöt 164 stipendiums por studënc che á studié te n’université taliana y 162 por studënc che á frecuenté n’université foradecá. Vigni stipendium á na dotaziun de 1.160 euro.
La Junta á aprové döes bandides de concurs por indöt 326 stipendiums por meric particolars. Vigni stipendium vel 1.160 euro por indöt 380mile euro. La pröma bandida reverda la conzesciun de 164 stipendiums a studënc y studëntes che tl ann academich 2014/15 á frecuenté n’université o na scora profescionala de istruziun alta tla Talia y che á arjunt resultac ezelënc. Al é scrit dant che al gnará premié 85 studënc y studëntes che á frecuenté l’Université da Balsan y 79 studënc che á frecuenté n’atra université taliana. L’investimënt complessif é de 190.240 euro. Le secundo stipendium reverda indere la conzesciun de 162 stipendiums por meric particolars a studënc che tl 2014/15 á frecuenté universités o scores profescionales de istruziun alta foradecá. La soma metüda a desposiziun é de 187.920 euro.
L’ 85 porcënt di stipendiums por meric particolars é partí sö te plü arees de stüde, le 15 porcënt sará indere conzedü tres na gradatöra generala. Les cater arees de stüde é: area umanistica, area soziala y iurisprudënza, area scientifca y tecnica, area sanitara. Do n control dles condiziuns d’azes vëgnel assegné i stipendiums aladô di miric particolars cun gradatöres aposta. Les domandes por la conzesciun de n stipendium por miric particolars pó gní dades jö cina en jöbia, ai 5 de má dl 2016 al Ofize provinzial Promoziun dl stüde, strada Andreas Hofer 18 a Balsan. Les domandes ti mëss gní ortiades al ofize online tres le sorvisc de e-government dl’Aministraziun provinziala. La bandida é desponibla tlican sön: http://www.provincia.bz.it/diritto-allo-studio/default.asp. Por plü informaziuns: tel. 0471 412946 o 0471 412934.
rc
