Atualità
Dala Junta: 11 profii de profesciun nüs por le lernerat
Dal florist, al moler, al tlomper y ai istaladus:sön proposta dl assessur Philipp Achammer á la Junta provinziala aprové incö (ai 15 de merz) i ordinamënc formatifs por 11 profesciuns dl lernerat cun cualifica y diplom profescional.
La Junta provinziala á aprové incö (ai 15 de merz) i ordinamënc de formaziun por les profesciuns danter l’ater de tlomper, feur, mecanich de costruziun de mascinns, carozier, florist, zumpradú, istaladú de implanc termosanitars, boteghier y moler. I ordinamënc é gnüs elaborá dal’Area formaziun profescionala dl Departimënt istruziun y formaziun todëscia en acordanza cun le Departimënt istruziun y formaziun taliana. Vigni ordinamënt formatif prevëiga la descriziun dl profil profescional, le diplom final, la dorada dl lernerat, le cheder formatif aziendal, la cuantité dla formaziun formala dla scora profescionala y le program didatich. I ordinamënc nüs é gnüs planificá y svilupá en colaboraziun cun i rapresentanc di grups di mestiers y di sindacac, dantadöt por ci che reverda la pert dla formaziun aziendala.
rc
